/img/tv1.svg
RU KZ
Алматыда аудандық сот төрағасы қайтыс болды

Алматыда аудандық сот төрағасы қайтыс болды

Облыстық Төтенше жағдайлар департаментінің хабарлауынша Серікбай Төлепбергенов өзенге батып кеткен.   

10 Тамыз 2020 18:55 141

Алматыда аудандық сот төрағасы қайтыс болды

Алматы қаласы Наурызбай аудандық сотының төрағасы Серікбай Төлепбергенов оқыс жағдайда көз жұмды, деп хабарлады Алматы қалалық сотының баспасөз қызметі. 

«9 тамызда Наурызбай аудандық сотының төрағасы Серікбай Төлепбергенов Алдабергенұлы кенеттен қайтыс болды», – деп жазылған хабарламада.

Кейін облыстық Төтенше жағдайлар департаментінің баспасөз қызметі аудандық сот төрағасының  Балқаш ауданы Миялы ауылы тұсында Іле өзеніне батып кеткенін мәлімдеді.

Елімізде жыл басынан 85 бала терезеден құлап кеткен

Төтенше жағдайлар комитеті ата-аналардан балаларын қараусыз қалдырмауды сұрады. 

12 Тамыз 2020 13:31 95

Елімізде 2020 жылғы 11 тамызда балалардың қатысуымен 5 оқиға орын алды. Салдарынан 4 бала қаза тауып, 3 бала ауруханаға жатқызылған. Барлық жағдайларда балалар ересек адамдардың қарауынсыз қалған, деп хабарлады ҚР ІІМ ТЖК баспасөз қызметі. 

2020 жылғы 11 тамызда күндіз Алматы облысы Қарасай ауданының Жібек жолы ауылында 2019 жылы туған бала екі қабатты жеке тұрғын үй баспалдағынан абайсызда құлап, ауруханаға жатқызылды. 

Атырау облысының Ақсай-2 кентінде 2019 жылы туған бала жеке тұрғын үйдің ауласында 2 метр тереңдіктегі шұңқырға құлап, ауруханаға жеткізілді. Ал Батыс Қазақстан облысы Жаңақала ауданының Шошай қыстағында 2017 жылы туған қыз бала мен 2019 жылы туған ер бала жеке тұрғын үйдің ауласында тереңдігі 3 метр ашық құдыққа құлап, суға батып кетті. Бұл ТЖК тізімдеген оқиғаның үшеуі ғана.

Статистикалық мәліметтер бойынша биылғы жылы балалардың қатысуымен 85 баланың көппәтерлі тұрғын үй терезелерінен құлау фактісі тіркелді. Нәтижесінде 8 бала қайтыс болып, қалған 77 бала ауруханаға жатқызылған. 

«Биыл суға шомылу кезеңінің басынан бастап ( 1 маусымнан 12 тамызға дейін) балалардың ересек адамдардың қарауынсыз қалу салдарынан елдің су айдындарында 64 бала (2019 жылы 82 бала) суға батып кетті, ал су айдындарында 24 бала құтқарылды. Жазғы демалыс кезінде балалардың су айдындары, суару арықтары мен каналдардың жанында болуына ата-аналардың жауапкершілігіне ерекше назар аударғымыз келеді. Сонымен қатар, ата-аналар қауіпсіздік ережелерін сақтап, баланың терезеден немесе балконнан құлау қаупін азайту шараларын білуі керек», – деп жазылған хабарламада. 
 
Құралай Құдайберген
ТЖК, оқыс оқиғалар, балалар қауіпсіздігі, суға батып кету, көп қабатты үй терезесінен құлап кету

Сырғанақ теуіп жүрген бала көлік астына түсіп мерт болды

Оқиға Ақтөбе облысының Темір ауданында болған.

08 Қаңтар 2020 16:36 547

Ақтөбе облысының Темір ауданында төбешіктен сырғанақ теуіп жүрген 5 жасар бала жазым болды. Бұл туралы облыстық полиция департаменті хабарлады.

«Сағат 11.00 шамасында 2014 жылы туған бала үйінің жанында төбешіктен сырғанақ теуіп жүріп, «Камаздың» астына түсіп кеткен.  Жүк көлігі сол тұстан өтіп бара жатқан», – делінген департаменттің дерегінде. 

Бала өліміне қатысты сотқа дейінгі тергеу басталды.