Алматыда психикалық денсаулық сақтау мекемесінен шығып кеткен екі тұрғынды іздеу жұмыстары жүргізіліп жатыр, деп хабарлайды inbusiness.kz сайты.
Нелли Шахрай, 1989 жылы туған, 16 сәуір күні сағат 09:00 шамасында Бостандық ауданындағы Кекілбайұлы көшесі, 117 мекенжайында орналасқан психикалық денсаулық сақтау орталығынан шығып кеткен.
Белгілері: бойы 167 см, дене бітімі орташа, қоңыр көзді, ұзын қою сары шашты. Бетінде бөртпелері бар. Жоғалған кезде үстінде қою көк барқыт жемпір, күлгін шалбар және көк резеңке тәпішке болған.
Денис Антипин, 1991 жылы туған, 13 мамыр күні сағат 08:00 шамасында мекемеден шығып кеткен. Оның бойы 180 см, дене бітімі орташа, шашы қою сары, арасында ағарған шаштары бар. Сол көзінің жанында меңі орналасқан. Жоғалған сәтте қара жилет, ақ футболка, қара шалбар және қара тәпішке киген.
Еріктілердің мәліметінше, іздеу жұмыстарына көмектескісі келетін азаматтар аталған адамдарға өздігінен жақындап, ұстауға немесе жанжалға бармауы керек. Оларды көрген жағдайда 102 нөміріне хабарлау сұралады.
Алматы қаласының полиция департаменті екі адамның да медициналық мекемеден жоғалғанын растады.
Бостандық аудандық полиция басқармасы әр жағдай бойынша іздеу жұмыстарын бастап, олардың орналасқан жерін анықтауға бағытталған жедел-тергеу шараларын жүргізіп жатыр.
