Оңтүстік астананың Медеу ауданында автобус өртеніп кетті, деп жазады inbusiness.kz.
Алматы қалалық ТЖД мәліметінше, сағат 08:27-де өрт сөндірушілер Төле би көшесі мен Шығыс айналма жолының қиылысындағы оқиға орнына шықты.
"ЛиАЗ маркалы автобус жанып жатты. Өрт аумағы 25 шаршы метрді құрады. Тілсіз жау сағат 08:45-те оқшауланып, бес минуттан кейін сөндірілді. Қайтыс болғандар мен зардап шеккендер жоқ", - делінген хабарламада.
Өртті сөндіруге Төтенше жағдай департаментінің 8 қызметкері, екі бірлік техника жұмылдырылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
