Алматыда 12 тамызда мониторингтік топтар қоғамдық көліктегі карантиндік режимді сақтау бойынша іс-шаралар ұйымдастырды. Бір тәулік ішінде 91 автобус тексерілді, деп хабарлайды inbusiness.kz.
Алматы қаласының қоғамдық көліктерінде бетперде режимін сақтамаған 27 жеке тұлғаға ҚР ӘқбК-нің 425-бабының 1-бөлігіне сәйкес әкімшілік хаттамалар толтырылды.
Алматы әкімдігі қала тұрғындары мен қонақтарын өздерінің және айналасындағылардың денсаулығын сақтау үшін санитарлық-эпидемиологиялық талаптарды қатаң ұстануға шақырады. Барлық қала тұрғындарына нұсқаулар берілді: бетперде тағу режимін сақтау, мүмкіндігінше адамдар көп жиналатын жерлерге бармаған жөн.
Қалалықтарға берілетін нұсқаулар:
- жеке тұлғамен байланыстан аулақ болу, құшақтасып, қол алыспау;
- қолды жиі жуу, үйден тыс жерде бір реттік сүлгіні қолдану;
- жөтелгенде, түшкіргенде беторамалды пайдалану;
- үйден шығарда медициналық маска тағу.
Тұрғындар қоғамдық көліктегі қауіпсіздік шараларын қатаң сақтаулары тиіс, ол үшін:
- қоғамдық көлікте жүргенде қолды дезинфекциялау;
- соңғы аялдамаға жеткен соң қолды бірден сабындап жуу;
- егер біреу жөтелсе немесе түшкірсе ауыз бен мұрынды беторамалмен жабу. Ол болмаса бетті алақанмен емес, шынтақпен жабу;
- жөтелген немесе түшкірген адамнан аулақ болу. Көлік жолаушыларға толы болса, онда келесісін күту;
- қоғамдық көлікте жолаушылармен сөйлеспеу. Мүмкіндігінше олардан тиісті (жолаушы толы көлікке кірмеу, келесі көлікті күту) қашықтықта болу;
- мүмкін болса көлік терезелерін ашу;
- баратын жерге жеткенше қолды бетке (ауызға, мұрынға, көзге) тигізбеу.
