2023 жылғы 1 шілдеде сағат 22.00-ден бастап 2023 жылғы 2 шілде сағат 22.00-ге дейін Алматы қаласының Медеу ауданында Қазыбек би мен Қалдаяқов көшелерінің қиылысында автокөлік қозғалысы тоқтатылды.
Аталған қиылыстағы қозғалыс екі жаққа да жабылады.
"Аталған көше сегментінің жүріс бөлігінің астынан өтетін құбырға жоспарлы жөндеу жұмыстарын жүргізу қауіпсіздігін қамтамасыз ету үшін уақытша шектеулер енгізіледі.
Мәжбүрлі қолайсыздықтарға түсіністікпен қарауды және көрсетілген учаскені айналып өту жолдарын алдын ала қарастыруды сұраймыз", – деп хабарлады "Алматы жылу жүйесі" ЖШС.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
