Қаланың табиғатты қорғау мамандандырылған прокуратурасы "Ботаника және фитоинтродукция институты" республикалық мемлекеттік қазыналық кәсіпорнына кіру билетіне тариф белгілеуде бұзушылықтарды анықтады.
"Прокурорлық қадағалау актісіне сай, азаматтардың Ботаника бағына кіру тарифі 103 теңге төмендетілді", - деп хабарлады Алматы прокуратурасы.
Енді Ботаника бағына кіру құны ересектерге - 850 теңге, студенттерге -685 теңге, зейнеткерлер мен мектеп оқушылары үшін - 503 теңге болмақ.
"Келушілерге ыңғайлы болу үшін Орман шаруашылығы және жануарлар дүниесі комитетімен келісе отырып, жаңа тарифтерде Ботаника бағы аумағындағы барлық баға тиынсыз болады. Билет құнына сапарға кіру билетінің бағасы мен ерекше қорғалатын табиғи аумақты пайдалануға 0,1 АЕК мөлшеріндегі салық кіреді"- деп хабарлады Бас ботаникалық бақтың баспасөз қызметі.
Бұрын Ботаника бағына кіру билеттерінің құны ересектерге - 953,30 теңге, студенттерге - 683,30 теңге, мектеп оқушысы/зейнеткерлер/АӘК алушыларға 503,30 теңге болса, мүгедектігі барлар/ардагерлер/7 жасқа дейінгі балаларға тегін болған еді.
