"Қазгидромет" Алматыда найзағай ойнап, бұршақ жауып, жел күшейетіні туралы ескерту жариялады, деп хабарлайды inbusiness.kz қалалық Төтенше жағдайлар департаментіне сілтеме жасап.
"Төтенше жағдайлар департаменті қала тұрғындарына автокөліктерді ағаштардың астында қалдырмауды ұсынады. Сондай-ақ, екпінді жел күшейген жағдайда мына шараларды ескеріңіз:
ғимараттардан шығуды шектеу (мүмкіндігінше үй ішінде болыңыз);
егер үйде болсаңыз, терезелер мен есіктерді мықтап жабу. Ашық балкондардан тұрмыстық заттарды алып тастау;
көшеде болсаңыз, ең жақын тұрғын үй кіреберісіне немесе дүкенге кіруге тырысыңыз;
билбордтардың, ағаштардың астына, аяқталмаған ғимараттар, сондай-ақ үй қабырғалары маңына тығылмаңыз, өйткені шифер және басқа шатыр материалдары құлап кетуі мүмкін;
қатты жел кезінде электр желісінің астында тұрып, үзілген электр сымдарына жақындау өмірге қауіпті.
