Бақытжан Сағынтаевтың тапсырмасымен демалыс күндері барлық сауда орталықтарының, сауда үйлерінің, желілік дүкендердің, жабық азық-түлік және азық-түлік емес базарлардың, фитнес орталықтардың қызметі тоқтатылады.
"Демалыс күндері қала тұрғындарына жақын маңдағы азық-түлік дүкендеріне, дәріханаға барудан, медициналық қызмет көрсетуден немесе қызметіне рұқсат етілген жұмысқа барудан басқа шаруалармен үйден шықпауға, әсіресе тәуекел тобындағы қарт адамдар осы талаптарды орындауға шақырамыз", – деп жазылған хабарламада.
Қоғамдық тамақтандыру объектілеріне ашық алаңда жұмыс істеуіне рұқсат етіледі. Бұл ретте санитарлық нормалар қатаң сақталуға тиіс.
Қаланың тыныс-тіршілігін қамтамасыз ететін кәсіпорындар ғана жұмыс істейді. Алайда қоғамдық көлік жұмысы тоқтатылады.
Құралай Құдайберген
