Алматыда аты аңызға айналған "Дос-Мұқасан" тобына арналған арт-инсталляция пайда болады, деп хабарлайды inbusiness.kz сайты.
Жаңа нысан Абай даңғылы мен Сәтбаев көшесінің арасындағы жаңартылған Масанчи көшесінде орналасқан.
Арт-нысанның басты ерекшелігі – интерактивті аудиожүйе. Арнайы батырманы басу арқылы келушілер топтың танымал әндерін тыңдай алады.
Металдан ерекше авторлық техникамен жасалған композиция 1967 жылы Алматыда құрылған музыкалық ұжым мүшелерінің жиынтық бейнесін көрсетеді. Инсталляцияның биіктігі – 1,8 метр, ені – 3,5 метр.
Арт-нысанның ашылу салтанаты 22 қазанда сағат 14:00-де өтеді. Бағдарламада музыкалық қойылымдар мен Meir BAND ансамблінің орындауындағы "Дос-Мұқасан" тобының танымал әндері бар.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
