Алматы қаласының Мемлекеттік архивінде архив саласы мамандарының біліктілігін арттыруға арналған екі күндік өңірлік семинар өтті, деп хабарлайды inbusiness.kz сайты.
Іс-шараға Алматы және Шымкент қалаларының, сондай-ақ Алматы, Жамбыл және Жетісу облыстарының архив қызметкерлері қатысты.
Семинар барысында архив ісі мен құжаттаманы басқаруға қатысты заңнама талаптары және нормативтік-құқықтық актілер түсіндірілді. Сонымен қатар есеп жүргізу тәртібі мен мемлекеттік органдармен өзара жұмыс мәселелері қарастырылды.
Кездесу аясында архив мамандары "Е-Архив" ақпараттық жүйесін енгізу кезеңдерін және оны күнделікті жұмыста қолдану тәжірибесін талқылады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
