Алматыда Төле би-Абылай хан көшелерінің қиылысында екі автобус соқтығысты, деп хабарлайды inbusiness.kz ҚазАқпарат тілшісіне сілтеме жасап.
Оқиғаға куә болғандардың айтуынша, зардап шеккендер көп.
"Төле би - Абылай хан көшелері қиылысының дәл ортасында жан түршігерлік апат болды. Екі автобус соқтығысып, саябаққа кіріп кетті. Жолаушыларға обал болды, зардап шеккендер көп", - деп жазды оқиға куәгері Facebook-те.
Алматы қалалық Мобильділік басқармасының мәліметінше, құзырлы органдар оқиға орнына жеткен, ал жол-көлік апатының себебін полиция қызметкерлері анықтауда.
Алматыда жақында ғана тағы бір қоғамдық көлік жол апатына ұшыраған еді. Ол кезде жүргізуші рульге ие бола алмай қалып, тұрғын үйге соғылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
