/img/tv1.svg
RU KZ
Алматыда екі жылда 4 судья істі болды

Алматыда екі жылда 4 судья істі болды

Сыбайлас жемқорлық туралы заңға өзгерістер енгізілмек. 

12 Тамыз 2020 13:27 136

Алматыда екі жылда 4 судья істі болды

Бұл туралы онлайн брифинг барысында ҚР Сыбайлас жемқорлыққа қарсы іс-қимыл агенттігі Алматы қаласы бойынша департаментінің басшысы Нығметжан Сапаров мәлім етті. 

«2019-2020 жылдары біздің департамент Алматы судьяларына қатысты сыбайлас жемқорлыққа қатысты қылмыс жасаған 4 фактіні анықтады. Судьялардың ерекше иммунитеті бар. Соған қарамастан Наурызбай, Бостандық, Медеу аудандарының судьялары мен Бостандық ауданындағы азаматтық істер жөніндегі сот төрағасы қылмыстық жауапкершілікке тартылды. Бұл істер бойынша айыптау үкімі шығарылды, кінәлі тарап нақты мерзімге жазаланды», – деген спикер сыбайлас жемқорлық туралы заңға өзгерістер енгізу мәселесі қарастырылып жатқанын жеткізді. 

«Бұл өзгерістер сот иммунитетін шектеуге емес, олардың құқығын барша халықтікімен теңестіруге бағытталады», – деді Нығметжан Сапаров. 

Құралай Құдайберген

Заңсыз саудадан 8,5 млн бетперде алынды

Қорғаныш құралдары медициналық мекемелерге тегін үлестіріледі. 

12 Тамыз 2020 13:49 180

Antikor.Live жобасы аясында өткен брифингте Сыбайлас жемқорлыққа қарсы іс-қимыл агенттігі Алматы қаласы бойынша департаментінің басшысы Нығметжан Сапаров заңсыз дәрі-дәрмек пен бетперде саудасы туралы сөз қозғады.  

«Бұл бағытта бірқатар рейдтер өткіздік. Дәрі-дәрмек тапшылығының себебін анықтау мақсатында біздің қызметкерлер «СҚ-Фармация» қоймасын толық тексерді. Бұған қоса олар Алматыға келген гуманитарлық көмектердің дұрыс үлестірілуін қадағалады»,– деген департамент басшысы жүргізілген жұмыстар нәтижесінде заңсыз айналымнан 8,5 млн бірреттік бетперде алынғанан айтады. 

«Қазіргі уақытта тәркіленген бетперделер бойынша тергеу жұмыстары басталды. Олар арнайы сараптамадан өткеннен кейін Алматы қаласының әкімдігіне тапсырылады. Олар заңсыз айналымға қайта түспеуі үшін медициналық мекемелерге ақысыз үлестіріледі», – деді Нығметжан Сапаров. 

Құралай Құдайберген
 

Блокпостта тұрған екі полицейді көлік қағып кетті

Көліктің рөлінде студент жігіт болған.

13 Мамыр 2020 14:48 226

Түркістан облысындағы блокпостта тұрған екі полицейді бір студент қағып кетті. Салдарынан түрлі дене жарақатын алған екі тәртіп сақшысы ауруханаға түсті, деп хабарлайды ҚазАқпарат.

Облыстық ПД баспасөз қызметінің мәліметінше, оқыс оқиға 10 мамыр күні Шымкент қаласына кіре берісте блокпостта орын алған.

«Ақтас» блок-бекетінде «ВАЗ-21014» автокөлігінің жүргізушісі полиция қызметкерлерінің заңды талаптарына бағынбай, оларды қағып кеткен. Көлік тізгіндеген студент жігіт ұсталды. Ол Қазығұрт ауданының тұрғыны болып шықты. Қазіргі уақытта күдіктіге қатысты сотқа дейінгі тергеу амалдары жүргізілуде. Бірқатар сараптамалар тағайындалып, оқиғаның толық мән-жайы анықталуда», делінген хабарламада. Ал, ауруханаға түскен екі полицейдің жағдайын дәрігерлер қанағаттанарлық деп отыр. Қазіргі таңда оларға медициналық көмек көрсетіліп, ауруханадан шығарылған.

Еске сала кетсек, бұған дейін әілеуметтік желілерде екі полицейді блокпостта қағып кеткені туралы бейнекөрініс жарияланған болатын. Оны түсірген тұрғындар бұл оқиғаның Шымкенттен шыға берістегі «Ақтас» елді мекенінің тұсында болғанын айтқан еді.