Алматыда электр қуатының бағасы көтерілді. Бұл туралы қалалық мәслихаттың кезектен тыс XI сессиясында белгілі болды, деп хабарлайды inbusiness.kz сайты.
"Жалпы, 1 қарашадан бастап электр энергиясының тарифі көтерілді: заңды тұлғалар үшін – 1,2%-ға (0,31 теңгеге жоғары – 26,4 теңгеден 26,7 теңгеге дейін), жеке тұлғалар үшін 1 киловатт/сағ үшін – 7%-ға (1,51 теңгеге жоғары – 21,6 теңгеден 23,1 теңгеге дейін)", – деп түсіндірді Алматы қаласы әкімінің орынбасары Асқар Амрин.
Сондай-ақ, ол әлеуметтік осал азаматтарға қосымша қолдау көрсету мақсатында өтемақы мөлшерін 0,6 АЕК (2070 теңгеге) дейін ұлғайтып, мәслихаттың тиісті шешімін қабылдау ұсынылып отырғанын мәлімдеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
