/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 427,45 Brent 36,55
Алматыда Елорда күніне орай 6 тұрғын үй кешеніндегі пәтерлер пайдалануға берілді

Алматыда Елорда күніне орай 6 тұрғын үй кешеніндегі пәтерлер пайдалануға берілді

Алматыда Астана күні мерекесі қарсаңында «Алатау сити», «Акварель», «Central Avenue», «Медеу парк», «Теренкур Терраса», «Гүлдер» 6 тұрғын үй кешеніндегі кезекті үйлер пайдалануға берілуде.

05 Шілде 2020 17:22 323

Алматыда Елорда күніне орай 6 тұрғын үй кешеніндегі пәтерлер пайдалануға берілді

Бұл нысандар Алатау, Бостандық, Медеу және Наурызбай аудандарын қоса алғанда, Алматының әртүрлі аудандарында орналасқан және 1 мыңнан астам пәтерге есептелген. Жаңа тұрғын үй кешендері Алматыны “шетсіз қалаға” айналдыруға мүмкіндік береді, ол жерде қаланың барлық тұрғындарында қай ауданда тұратындығына қарамастан, күнделікті қажетті әлеуметтік қызмет түрлерінің жиынтығы болады.

Алматы қаласының әкімі Бақытжан Сағынтаев мәселені өзгерту үшін,  қала шетінде тұратын азаматтардың  да қала орталығындағы тұрғындар сияқты қызмет түрлеріне қолдары жетімді болуы үшін олардың өмір сүру сапасын арттыруда жағдай жасау керектігін бір емес,бірнеше рет атап өткен болатын.

Алматы әкімі Бақытжан Сағынтаевтың тапсырмасымен қалада баспанаға қол жетімділікті арттыру бойынша кешенді жұмыстар жүргізілуде. 2019 жылдың 10 маусымынан бастап бүгінгі күнге дейін 3 мыңнан астам мұқтаж адам баспанамен қамтамасыз етілді. Оның ішінде 284 көп балалы отбасы (қалалық «Бақытты отбасы» бағдарламасы бойынша), 258 көп балалы және толық емес отбасылар, мүгедек балаларды тәрбиелеп отырған отбасылар (республикалық «Бақытты отбасы» бағдарламасы бойынша) және 1050 азамат   29 жасқа дейінгі жұмыс істейтін жастар үшін жалдамалы тұрғын үй бағдарламасы бойынша баспанамен қамтамасыз етілді.

«Осы мүмкіндікті пайдаланып,  барша қазақстандықтарды Астана күнімен құттықтағым келеді. Сонымен қатар, осы бағдарламаны бастаған Елбасыға алғысымды білдіремін. Бұл бағдарлама мен сияқты жастар үшін керемет мүмкіндік. Бағдарлама бойынша ұсынылған баспана өте жайлы, барлық жағдай жоғары деңгейде жасалған », - деп «Алматы жастары» бағдарламасы бойынша пәтер алған қаланың жас тұрғыны - Ақмарал Мақтабаева өз ойымен бөлісті.

Жақында «Алматы жастары 3.0» бағдарламасының екінші кезеңі басталғанын айта кету керек. Тұрғын үй бағдарламасының бірегейлігі төмен пайыздық мөлшерлемеде - 13 миллион теңгеге дейінгі несие жылдық 5% жеңілдікпен беріледі. Сонымен қатар, Алматы қаласының әкімі Бақытжан Сағынтаевтың бастамасымен аталған бағдарламаға қатысу шарттары жеңілдетілді. Сонымен бірге, қалада тіркеуге тұру талабы алынып тасталды. Енді осы себеппен қабылданбаған өтініштер қаралады, Алматыда екі жылдық тіркеуі жоқ жастар да  өтініштерін бере алады.

Естеріңізге сала кетейік, Алматы мегаполистің тартымдылығына байланысты елдегі ең үлкен тұрғын үй қорына ие. Онда 8,4 мыңнан астам көп пәтерлі тұрғын үй бар. Қазіргі уақытта 26 мыңнан астам қала тұрғыны баспана сатып алу кезегінде тұр. Олардың көп бөлігін халықтың әлеуметтік әлсіз топтарына жататын азаматтар құрайды.

Нұр-Сұлтанда 8 жыл бойы салынған құрылыс аяқталды

Нұр-Сұлтанда Елорда күні қарсаңында құрылысы ұзаққа созылған нысан пайдалануға берілді.  

05 Шілде 2020 16:51 299

Нұр-Сұлтанда 8 жыл бойы салынған құрылыс аяқталды

Сегіз жыл бойы салынған «Столичный-2» тұрғын үй кешенінің құрылысы аяқталып, 200-ден астам үлескердің мәселесі шешілді, деп хабарлайды astana.gov.kz сайты.

Елорда әкімі Алтай Көлгіновтың айтуынша, биыл көппәтерлі 20 тұрғын үй кешені пайдалануға беріледі, демек 8 мың үлескер көптен күткен пәтерлерін алады.

 «Столичный-2» тұрғын үй үлескерлері 8 жылдан астам уақыт өз пәтерін күтті. Әр ұзақ салынып жатқан құрылыспен біз жеке жұмыс жасап жатырмыз. Нысандарды аралап көреміз, құрылыс қалай жүріп жатқанын тексеріп, қандай шешім қабылдау қажет екенін ескеріп отырамыз. Сіздермен де кездесіп, ұсыныстарыңызды тыңдадық. Өткен жылы сіздерде сенімсіздік болғаны есімде. Ал қазір сіздер ерекше қуанып тұрсыздар. Енді өз пәтеріңізге кіре аласыздар. Үлескерлердің мәселесі Мемлекет басшысының бақылауында. Пандемияға қарамастан, құрылысшылар қатаң санитария нормаларын сақтай отырып, құрылыс жұмыстарын жалғастыруда. Биыл тағы 8 мың үлескердің мәселесін шешеміз, көппәтерлі 20 тұрғын үй кешенін салып, пайдалануға береміз.

Тағы бір мәселе – «Территория комфорта-1» тұрғын үй кешені. Ол 2004 жылдан бері тұр. Техникалық тексеріс ғимарат апатты жағдайда екенін анықтады. Тұрғындардың қауіпсіздігі үшін ғимаратты бұзу туралы шешім қабылданды. Орнына жаңа тұрғын үй кешенінің құрылысы жүргізілуде. 500-ден астам адам үлескер атанды. Сонымен қатар, ұзақ уақыт салынып жатқан «Шығыс», «Жағалау» тұрғын үйлері де бар. Әр нысан бойынша нақты жоспар бар», – деді қала әкімі Алтай Көлгінов.

«Столичный-2» тұрғын үй кешенінің үлескері Жанар Дүйсенова уақыт өте, тіпті, үйден үмітін үзгенін айтады.

«Көп жыл бойы өз пәтерімізді күтіп, тіпті үмітіміз үзілді. 8 жыл бойы бұл мәселемен бармаған жеріміз қалмады. Міне, 2020 жыл – біз үшін ерекше жыл болды. Біз өз пәтерімізді алдық. Қатты қуанып жүрміз. Баршаңызды келе жатқан Елорда күнімен құттықтаймын! Өмірде қуанышты сәттер көп болсын», – дейді үлескер.
 

Елбасының атына құттықтаулар келіп түсуде

6 шілде күні Елбасы Нұрсұлтан Назарбаев 80 жасқа толады.  

04 Шілде 2020 09:31 339

Елбасының атына құттықтаулар келіп түсуде

Елбасының атына Елорда күні мен Қазақстанның Тұңғыш Президентінің 80 жылдық мерейтойына орай келіп жатқан жеделхаттар мен хаттар легі жалғасуда, деп хабарлайды Елбасының ресми сайты.

Беларусь Республикасының Президенті қазіргі Қазақстанның тарихы, оның жетістіктері мен халықаралық беделі Нұрсұлтан Назарбаевтың атымен тығыз байланысты екендігін атап өтті.

«Сіздің тікелей басшылығыңызбен Қазақстан халқы әлеуметтік-экономикалық дамуда толағай табыстарға қол жеткізді, әлемдік аренада лайықты беделге ие болған мемлекет құрып, үлкен жолды жүріп өтті. Беларусь Республикасында Сіздің белорустар мен қазақтардың тарихи достығына, өзара құрметке, сенім мен қолдауға негізделген кең ауқымды екіжақты қатынастарды құруға қосқан зор үлесіңізді жоғары бағалайды», – делінген А.Лукашенконың  жеделхатында.

Грузия Президенті Саломе Зурабишвили Елбасына денсаулық, бақыт пен табыс тіледі.

«Қазақстан Республикасының мемлекеттік тәуелсіздігін қалыптастыру және нығайту кезеңі Сіздің атыңызбен тығыз байланысты. Сіз Тұңғыш Президент ретінде батыл шешім қабылдап және көреген саясат жүргізе отырып, елдің дербес дамуын және халықтың әл-ауқатының өсуін қамтамасыз етіп, ауқымды реформаларды жүзеге асыру үшін берік негіз қаладыңыз. Сондай-ақ Қазақстанның халықаралық беделге қол жеткізуіне ықпал еттіңіз», – делінген Грузия Президентінің жеделхатында.

Австрия Республикасының Федералдық Президенті Александр Ван дер Беллен өзінің хатында Нұрсұлтан Назарбаевтың Қазақстанның халықаралық беделін нығайтудағы және құрлықтағы интеграциялық үдерістерді дамытудағы ерекше рөлін атап өтті.

Хорватия Республикасының Президенті Зоран Милович, Индонезия Республикасының Президенті Джоко Видодо, Сингапур Республикасының Президенті Халима Якуб, Сьерра-Леоне Республикасының Президенті Джулиус Маада Био Елбасына және күллі Қазақстан халқына мықты денсаулық пен бақ-береке тіледі. Сондай-ақ барлық мақсаттарға жетуіне және өсіп-өркендей беруіне тілектестік білдіріп, жылы лебіздерін жолдады.

Жапония Премьер-Министрі Синдзо Абэ Қазақстанның Тұңғыш Президентіне екі ел арасында ынтымақтастық орнатуға және дамытуға қосқан үлесі үшін алғысын білдірді.

«Сізді 80 жылдық мерейтойыңызбен шын жүректен құттықтаймын. Екеуміздің арамыздағы жеке сенімге негізделген Жапония мен Қазақстанның өзара тиімді серіктестігі сәтті дамып келе жатқанына қуаныштымын. Өткен жылдың қазан айында мәртебелі Императордың таққа отыру рәсіміне қатысқаныңыз үшін Сізге тағы да алғыс айтамын. Сол маңызды күні Өзіңізбен болған кездесу екіжақты қатынастарға жаңа серпін берді», – делінген Синдзо Абэнің жеделхатында.

Венгрия Премьер-Министрі Виктор Орбан Нұрсұлтан Назарбаевтың тәуелсіз Қазақстанның берік негізін қалағанын атап өтті.

«Сіз ХХІ ғасырдың халықаралық саясатын және жаңа әлемдік тәртіпті түсініп қана қоймай, оны өз халқыңыздың игілігі жолында қалай бағыттау керектігін білетін тұлғасыз. Сондықтан Сізді өзіме рухани жақын көшбасшы санаймын. Мен үнемі біздің әңгімелерімізді жылы сезіммен еске аламын», – деп жазды В.Орбан.

Сондай-ақ Канаданың генерал-губернаторы Джули Пайетт пен Сингапурдың Премьер-Министрі Ли Сиань Лун да құттықтау хаттарында толағай табыс пен жаңа белестер тіледі.