Алматыда есірткілік мас күйде мотоцикл жүргізген азамат ұсталды, деп хабарлайды inbusiness.kz polisia.kz-ке сілтеме жасап.
Тимирязев пен Жароков көшелерінің қиылысында “Буран-126” патрульдік экипажы апаттық жағдай жасаған мотоциклшіні байқап қалған. Тәртіп сақшыларының тоқта деген заңды талаптарына бағынбаған жас жігіт қашып кетпек болған. Алайда полиция қызметкерлері оны Левитан көшесінде ұстады.
– Мотоциклшінің мінез-құлқы жол қозғалысына қатысушылар үшін өте қауіпті болды. Медициналық сараптама оның есірткіге мас болғанын анықтады. Құқық бұзушы көлік құралын басқарудан айырылып, ҚР ӘҚБтК-нің 608-бабы 6-бөлімі және ҚР ӘҚБтК-нің 596-бабы 5-бөлігі, ҚР ӘҚБтК-нің 606-бабы 1-бөлігі, ҚР ӘҚБтК-нің 613-бабы 1-бөлігі, ҚР ӘҚБтК-нің 230-бабы 1-бөлігі бойынша әкімшілік жауапкершілікке тартылды, – деді Алматы қалалық ПД жергілікті полиция қызметі басқармасының бастығы Ержан Ұзабаев.
Сондай-ақ, іс Алматы қаласы бойынша мамандандырылған ауданаралық әкімшілік сотына жіберілетінін айтты. Мотоцикл айыппұл тұрағына қойылды.
