"Жеткізу тізбегінің бұзылуы және теңге бағамының құбылмалылығы аясында жоғары инфляциялық күтулер әлі де сақталуда", – деді Досаев Орталық коммуникациялар алаңындағы брифингте.
Ол Алматыда бағаның өсу қарқыны әлі де жоғары екенін атап өтті.
"Алты айдың қорытындысы бойынша инфляция 10,3%-ды құрады. Жалпы Қазақстанда – 10,5%. Инфляцияға негізгі үлес, ең алдымен, азық-түлік бағасының өсуі есебінен қалыптасты, ол 16,4%-ды, жылдық – 19,5%-ды құрады", – деді әкім.
Оның айтуынша, ең көп өсім қант бағасы екі есе, келісіне 560 теңгеге дейін, пияз (+90,2%, келісіне 156 теңгеге дейін, нан +18,3%, бөлкесіне 95 теңгеге дейін, сүт +18%, 328 теңгеге дейін байқалады. Олардың тұтыну бағасының индексіне қосқан үлесі 2,2 пайыздық тармақты құрады.
"Бұл ретте жұмыртқа бағасының 0,4%-ға, 10 данасына 460 теңгеге дейін және сиыр етіне 0,9%-ға, 2 350 теңгеге дейін арзандады. Сары май бағасы 5,6%-ға өсіп, келісіне 3 400 теңге жетті. Осылайша, бағаның аздап өсуі байқалады", – деді Ерболат Досаев.
Құралай Құдайберген
