Алматыда инвесторларға арналған investinalmaty.org сайты іске қосылды, онда инвесторлар мегаполистің инвестициялық әлеуеті туралы қажетті барлық ақпаратты ала алады, деп хабарлайды inform.kz.
Сайттағы барлық дерек ағылшын тілінде берілген, сондай-ақ олар "why", "what", "how", "assistance", "events" және "register" секілді 6 бөлімге бөлінген.
"Порталда әлеуетті және әрекет етіп жүрген инвесторларға сауда, қызмет көрсету, тамақ өндірісі, жеңіл өнеркәсіп, логистика және осы секілді инвестициялаудың басым салаларының тұсаукесерлері көрсетіледі. Бұдан бөлек инвесторлар Алматының жұмысы туралы пікірі мен ұсынысын қалдыра алады. Әрі қарай порталда "онлайн" режімде инвестор кеңесін, инвестициялық форум және басқа да іс-шара өткізу жоспарланып отыр, сондай-ақ тұрақты түрде алдағы оқиғалар туралы ақпаратты жаңартып отыру жұмысы жүргізіледі", – деп жазылған хабарламада.
