Бұл туралы Орталық коммуникациялар қызметінде өткен брифингте Қазақстан сәулетшілер одағының президенті Серік Сұлтанғали мәлім етті, деп хабарлайды inbusiness.kz.
Айтуынша, ол Президент Қасым-Жомарт Тоқаевқа хат жазған. Онда сәулет саласы туралы сөз қозғай отырып, Алматы қаласын мысалға келтірген.
"Оңтүстік астанамыз – көп адам үшін сүйікті қала. Қазір "нүктелі құрылыс", "нығыз құрылыс" деп атап жүрген жобалар Алматының ең басты мәселесі – сейсмиканы ескермей іске асырылып жатқан жобалар. Шектен тыс биік үйлердің көптеп салынуы сәулетшілерді ғана емес, қаланың қарапайым тұрғындарын да алаңдатуда", – деген Серік Сұлтанғали "неге бұлай жасалды" деген сауал қойды.
"Меніңше ең басты құрал – әкімдік жанынан жұмыс істейтін қала құрылысының кеңесі болған жоқ. Енді Алматының әкімі осындай кеңес құрды. 1 тамыздан бастап сол кеңес жұмыс істей бастайды", – деді одақ басшысы.
Құралай Құдайберген
