Алматыда санитарлық-эпидемиялық шаралардың сақталуын бақылау аясында 32 мониторингтік топ жұмыс істеуде. Соңғы екі аптада олар 1000-нан астам нысаннан заң бұзушылықтар анықтады, деп хабарлады әкімдік.
2020 жылдың 8 қазаны мен 19 желтоқсаны аралығында 590 іс-шара өткізілді. Бұл тексерістер барысында 4947 нысан қамтылып, оның 1065-і (21,5%) карантин тәртібін бұзғаны анықталды.
"Заңды және жеке тұлғаларды тексеру нәтижелері бойынша ҚР ӘҚБтК-нің 425-бабының 1-бөлігімен шектеу іс-шараларын сақтамағаны үшін жалпы сомасы 74,7 млн теңгеге 890 әкімшілік құқық бұзушылық туралы хаттама толтырылды. Қазіргі уақытта ойын-сауық нысандары арасында карантин шараларын бұзушылардың анықталуына байланысты жеке тұлғалар қатысты қабылданған шаралар артуда. Мысалы, Алмалы ауданының "Cyber ZONE" компьютерлік клубында бетперде режимін бұзған 20 жеке тұлға анықталды", – деп жазылған хабарламада.
Жұмыс нәтижелері бойынша әкімшілік сотқа 462-бабының 1-бөлігі "тексеру жүргізуге кедергі келтіру бойынша" және 462-бабының 3-бөлігі орын алған бұзушылықтарды жою туралы нұсқаманы орындамау бойынша 15 заңды тұлғаға қатысты істер берілді.
Естеріңізге сала кетейік, анықталған бұзушылық фактілері бойынша мекеме иелері ӘҚБтК-нің 425-бабының 1-бөлігі бойынша әкімшілік жауапкершілікке тартылып, бұзушылықтарды жою туралы нұсқама берілетін болады. Заң бұзушылықтар қайта анықталған жағдайда заңды тұлғалар ӘҚБтК-нің 462-бабының 3-бөлігі бойынша әкімшілік жауапкершілікке тартылатын болады. ӘҚБтК-нің 462-бабының 3-бөлігі бойынша әкімшілік жауаптылыққа тарту туралы мәселені мамандандырылған ауданаралық әкімшілік сот қарайды. Ал осы баптың санкциясы қызметті тоқтатуды көздейді.
