Алматыда каратэден халықаралық турнир өтті. Жарысқа еліміздің барлық өңірінен жас спортшылар қатысты, деп хабарлайды inbusiness.kz тілшісі.
Халықаралық турнир "Халық" қайырымдылық қорының қолдауымен ұйымдастырылды.
Қазақ спорт және туризм академиясының татамиіне 500-ден аса каратэші шықты. Оның ішінде ең жасы 5-те болса, жасы үлкені -17-де. Жарысқа Қазақстаннан бөлек, Украина, Тәжікстан, Өзбекстан, Қырғызстан, Әзірбайжан, Түркіменстан мен Моңғолиядан атлеттер келді. Жанкүйерлер мен қонақтар жекпе-жек өнерінің ерекшелігін тағы бір мәрте тамашалады. Қатысушылардың бірі 14 жастағы Әлібек Әбдірасыл. Бірінші сыныптан бері каратэмен айналысып келе жатқан ол осы жарыста қола жүлде алды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
