Ауа райының қолайсыздығына байланысты Алматының бірқатар ауданындағы электр желісінде апат болып, электр қуаты өшті, деп хабарлайды inbusiness.kz тілшісі.
"Қатты желдің салдарынан кейбір ауданда ағаштар құлады, бұл тарату желісіндегі 6-10-0, 4 киловольттың ажырауына әкелді, соның нәтижесінде Алматының тұтынушылары электрден ажыратылды", делінген хабарламада.
Электр қуаты Жамақаев, Шукшин, Гагарин, Жароков, Әуезов, Жамбыл, Төле би, Шолохов, Сейфуллин көшелерінде өшті. Қазіргі уақытта апаттық-қалпына келтіру жұмыстары жүргізіліп жатыр.
"16:00 жағдай бойынша, "112" желісіне желдің күшеюіне байланысты (екпіні 15 м/с) тұрғындардан ағаштардың құлағаны туралы 6 хабарлама түсті. Зардап шеккендер туралы ақпарат түскен жоқ. Оқиға орнына 109 құтқару қызметі, әкімдіктердің мердігерлік ұйымдар жіберілді", - делінген хабарламада.
Қазгидромет 22 шілдеге 35 градус қатты ыстық және жоғары төтенше қауіп туралы дауылды ескерту берді.
