Алматы қаласы ТЖД баспасөз қызметінің хабарлауынша 2020 жылғы 19 қарашада сағат 06:58-де Әуезов ауданы Ақсай-4 ықшам ауданында орналасқан 17 үйдің маңында өрт шыққаны туралы хабарлама келіп түскен. Оқиға орнына 7 минутта жеткен өрт сөндірушілер автотұрақ аумағында орналасқан көкөніс сататын дүңгіршек жанып жатқанын анықтаған.
"Әуэзов ауданының өрт сөндірушілері өрттің автотұраққа таралуына жол бермеді. Қызыл жалын жабық автокөлік тұрағындағы 2 автокөлік пен оның 50 шаршы метр шатырын шарпып үлгерген. Қатты қызу салдарынан Ниссан Премьера маркалы автокөлігінің алдыңғы әйнегі мен шанағына зиян келді. Өрт алғашқы 24 минуттың ішінде оқшауланып, 07:36-да толықтай сөндірілді", – деп хабарлады қалалық ТЖД.
Құралай Құдайберген
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
