Алматыда жол талғамайтын көлік жүргізушісі тұрақ ақысын төлемеу үшін жалған мемлекеттік тіркеу нөмірін тағып алған, деп хабарлайды inbusiness.kz тілшісі polisia.kz-ке сілтеме жасап.
Патрульдік полицейлер Абылай хан мен Қазыбек би көшелерінің қиылысынан “Mitsubishi” көлігін тоқтатқан. Себебі тәртіп сақшылары көлікке орнатылған түрлі мемлекеттік тіркеу нөмірлеріне назар аударған.
“Кейін көлік иесі анықталды. Ер адам тұрақ ақысын төлемеу үшін жалған нөмір орнатқанын айтты. Бұл әрекеттер заңнамаға қайшы келеді. Сонымен қатар әкімшілік жауапкершілікке тартуға негіз болады. Құқық бұзушыға айыппұл салынды. Оның көлігі мамандандырылған айыппұл тұрағына қойылды”, – деп хабарлады Алматы қалалық Полиция департаментінің баспасөз қызметі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
