/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,47 Brent 36,55
Алматыда коронавирусқа шалдыққан 349 адамның жағдайы ауыр

Алматыда коронавирусқа шалдыққан 349 адамның жағдайы ауыр

Қаланың инфекциялық стационарларында 1772 адам бар, оның ішінде 24 адам өте ауыр халде жатыр.

06 Шілде 2020 19:06 253

Алматыда коронавирусқа шалдыққан 349 адамның жағдайы ауыр

Баспасөз конференциясы барысында Алматы қаласының әкімі Бақытжан Сағынтаев коронавирус індетіне қарсы күреске қатысты Үкімет белгілеген барлық шаралардың орындалып жатқанын айтты, деп хабарлайды әкімдіктің баспасөз қызметі.

Қалада жағдайды тұрақтандыру үшін кешенді жұмыстар жүргізіліп жатыр. Осылайша, ауырған адамдардың ем алулары үшін қосымша жататын орындар қорын құру, зертханалардың өткізу мүмкіндігін ұлғайту, стационарлы ауруханаларды қажетті құралдармен қамтамасыз ету және дәріханаларда дәрі-дәрімектің бар-жоғы мен бағаларына мониторинг жүргізілуде.

Бүгінгі жағдайды және жұқтыру болжамдарын ескере отырып, дәрігерлердің, орта және кіші буын медициналық қызметкерлерінің қосымша бригадалары құрылды. Біліктілікті арттырудың онлайн-курстары өткізіледі. Қалада волонтерлерді қосымша қабылдау және қажет болған жағдайда бейінді емес медиктерді тез қайта оқыту жүзеге асырылады.

«Бүгінгі таңда Алматы қаласы бойынша эпидемиологиялық жағдай күрделі, бірақ бақылауда. Бізде Алматы қаласы аумағында коронавирустың таралуының алдын алу және оған қарсы әрекет ету бойынша жасалған іс-шаралар жоспары бар, оны біз бақылап отырмыз», – деді Бақытжан Сағынтаев.

Айта кетсек, биылғы жылдың 6 шілдесі сағат 10:00-дегі жағдай бойынша коронавирустық инфекцияны жұқтырудың 6202 жағдайы тіркелген. Қазіргі уақытта күнделікті өсім шамамен 1,1% құрайды. Қазір инфекциялық стационарларда 1772 адам бар, оның ішінде 24 адам өте ауыр халде, 349 адам ауыр халде, 1264 адамның жағдайы орташа ауыр және 135 адамның жай-күйі қанағаттанарлық. Ауырлығы орташа және ауыр дәрежедегі науқастардың саны өсуде. Сонымен қатар пневмония аурушаңдығының күрт өсуі байқалады. Өткен жылдың ұқсас кезеңімен салыстырғанда тыныс алу органдары ауруларынан қаза болғандар үлесінің 68,6%-ға өсуі байқалады.
 

Сапарбек Тұяқбаев: Азық-түліктен тапшылық болмайды

Алматы тұрғындарына азық-түлікті үйіне дейін жеткізіп беруді қамтамасыз ететін механизм күшейтілді.

21 Наурыз 2020 13:51 297

Сапарбек Тұяқбаев: Азық-түліктен тапшылық болмайды

Алматыда мейрамханалар мен дәмханалардың, сондай-ақ онлайн-дүкендердің жұмысы күшейтілген. Сонымен қатар қалаға азық-түлік тасымалдайтын жүк көліктеріне «жасыл дәліз» ұйымдастырылды. Жалпы Алматы тұрғындарын тағам өнімдерімен қамтамасыз ету үшін қалалық резервтен қосымша 5 млрд теңге бөлінген, деп хабарлайды әкімнің баспасөз қызметі.

«Бүгінде қалаға сырттан келетін немесе сыртқа шығатын азық-түлік тасымалдаушы көліктер мен логистикалық қызмет түрлеріне «жасыл дәліз» қамтамасыз етілді. Алматыда әлеуметтік маңызды 19 түрлі тауардың түрі бар. Азық-түліктен тапшылық болмайды. Олар тиісті көлемде жеткізіледі. Барлық өнімдер Magnum және Small сауда желілері арқылы сатылады. Жекелеген кәсіпкерлермен бағаны көтермеу туралы түсіндіру жұмыстары жүргізілуде. Өз тарапымыздан тұрғындарға азық-түлікті пәтеріне немесе үйіне дейін жеткізіп беруді қамтамасыз ететін механизмді күшейттік», – деді қалалық әкімдіктің баспасөз орталығында өткен онлайн-брифингте Алматы қаласы әкімінің орынбасары Сапарбек Тұяқбаев.

Кәсіпкерлермен азық-түліктің бағасы және оны жеткізу көлемі туралы осы жылдың маусым айының соңына дейін белгіленіпті.

Бұдан өзге дәріханалардағы бетперде бағасына бақылаудың күшейтілгені де айтылды. Қарапайым бетперденің бағасы 87 теңге деп бекітілсе, көмір фильтрлі бетперде 111 теңгеден сатылуда. Ол үшін Алматыда 48 дәріхана белгіленді. Барлығына бейнебақылау орнатылды. Бейнебақылаудағы жазба бір айға дейін сақталатын болады.

Айта кету керек, бүгінде қалада фитнес, спа-салондар, сұлулық салондары мен қоғамдық моншалар жұмысын толық тоқтатты.

Бағаның негізсіз көтерілуі анықталған жағдайда тиісті шаралар қабылданады. Бұл туралы Бәсекелестікті қорғау комитетінің Алматы қаласы бойынша департаменті басшысының орынбасары Арлан Қалуетов мәлімдеді. Айтуынша, мегаполисте монополияға қарсы заңнаманы бұзушылық фактілерін анықтау бойынша жұмыстар жүргізілуде.

«Біздің департамент әлеуметтік маңызы бар азық-түлік өнімдерінің бағасын тұрақтандыру бойынша кешенді шараларды қолға алды. Бетперденің бағасын негізсіз көтеру фактілері бойынша департамент тарапынан нарық субъектілеріне қатысты тергеу жұмыстарын жүргізуде. Бұл бойынша бізге келіп түскен шағымдар көп», – деді ол.

Сұрақтар бойынша 1406 және Open Almaty 1308 нөмірлері бойынша тәулік бойы call-center-ге хабарласыңыз. Катаралды белгілері бар адамдар анықталған жағдайда дереу қаланың санитарлық-эпидемиологиялық қызметіне тәулік бойы 382-33-50 телефоны бойынша хабарлау керек.

Ресми ақпарат Алматы қаласы әкімдігінің ресми беттерінде және әлеуметтік желілерде қолжетімді. Қосымша ақпарат жедел түрде Telegram-stopcov Almaty арнасында және Darmen мобильді қосымшасында орналастырылады.

 

Полицияның «жедел желісіне» 4 мыңнан астам қоңырау түсті

Олардың ішінде құқық қорғау органдары қызметіне қатысы жоқ сауалдар да болған.

19 Наурыз 2020 16:46 305

Полицияның «жедел желісіне» 4 мыңнан астам қоңырау түсті

Алматыда карантин енгізілгеннен бастап полиция департаменті режим ережелеріне қатысты сұрақтарға жауап беру үшін Call-орталық құрды. Бір күннің ішінде осы «жедел желіге» 4 мыңнан астам адам қоңырау шалды, деп хабарлады ведомствоның баспасөз қызметі. 

«Кезекшілік тәулікте 4 мыңнан астам адам қоңырау шалды.  Олардың көпшілігін Алматы қаласына өткізу пункттері арқылы кіріп-шығуы туралы мәселелер қызықтырды.  Кейбір қоңырау шалушыларға кеңес пен қолдау қажет болды.  Әрине, полицияның қызметіне қатысы жоқ сауалдар түсті. Мүмкіндігінше полиция қызметкерлері оларға да сауатты жауаптар беруге тырысты. Алдын ала талдау нәтижелері бойынша алғашқы 2-3 күнде сенім телефонына көптеген қоңыраулар түседі.  Азаматтарды қызықтыратын сұрақтарға жедел және қол жетімді жауап беру өте маңызды»,– деді Алматы қалалық полиция Департаментінің ресми өкілі, полиция полковнигі Салтанат Әзірбек.

Бұл ретте «жедел желі» қоңырауларына полиция – психологтары мен бөлімше қызметкерлері жауап бергенін айта кету керек.