"Өкінішке қарай, бізде бір айлық баланың көз жұмғаны туралы ақпарат расталды. Ол сәбиге коронавирус инфекциясы жұғып, нәресте көз жұмды", - деді Нариман Табынбаев бүгінгі баспасөз мәслихатта.
Сонымен қатар ол коронавирус жұқтырған балалардың саны артып бара жатқанына алаңдаушылық білдірді.
"Өкініштісі, Қазақстанда, оның ішінде коронавирус инфекциясын жұқтырған балалардың саны көбейіп барады. Бүгін де біздің қалада індет жұқтырған 195 бала стационарда жатыр. Ал үйлерінде емделіп жатқан балалардың саны – 2,5 мың. Осыдан екі-үш ай бұрын, яғни көктемде британдық штамм тараған тұста стационарларда ары кетсе 30-40 бала жататын. Ал қазір біздің балалардың індетке шалдығу деңгейінің шарықтау шегіне (стационарда қазір 245 бала жатыр) жеттік", - дейді ол.
