Алматыда ҚР Тұңғыш Президенті күні тегін мұз айдындары ашылды

749

Алматыда ҚР Тұңғыш Президенті күні тегін мұз айдындары ашылды

Бүгін Алматыда екі жаңа әрі тегін мұз айдындары ашылды, олар Қазақстанның Тұңғыш Президенті саябағы алдына және Желтоқсан көшесі мен Абылай хан даңғылының арасындағы Жібек жолы көшесінің бойына орналасқан. Мегаполисте 16 желтоқсанға дейін басқа да аудандандарда тағы да жеті мұз алаңдары ашылатын болады, деп хабарлайды Алматы әкімдігінің баспасөз қызметі.

Мұз айдындарын қаланың барлық қонақтары мен тұрғындары тәулігіне 24 сағат бойы пайдалана алады. Сырғанайтын жерлерде келушілер үшін тамақтанатын орындар мен конькийлерді жалға алу ұйымдастырылған. Конькилерді 2 сағатқа жалға алу құны 600 теңге. Жалға беру орындары жай күндері таңғы сағат 10-нан түнгі 22.00-ге дейін, ал демалыс күндері күндізгі сағат 12.00 ден 00.00-ге дейін істейді.

"Мұз, балалар, спорт алаңдары қалалықтардың таза ауада спортпен шұғылдануларына жақсы жағдай жасайды. Мұз айдындарына өз конькилерімен келіп, отбасымен бірге сырғанауға болады", - деп атап өтті Алматы әкімі Б.Байбек.

Айта кетерлігі, Алматыда соңғы екі жылда 732 аула алаңдары абаттандырылды. Бұл - қаладағы әрбір бесінші аула."Менің ауламдағы спорт" бағдарламасы аясында 6 мың бала кәсіби нұсқаушылармен бірге аулалардағы 75 спорт алаңдарында жаттығуда. 2020 жылға дейін қаланың барлық 600 спорт алаңын қамту жоспарланған.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу