Алматыдағы тергеу изоляторынан сотталушы қашып кетті, деп хабарлады inbusiness.kz тілшісі ІІМ Қылмыстық-атқару жүйесі комитетіне сілтеме жасап.
"Биылғы жылдың 15 ақпанында 1987 жылы туған сотталушы Д.Т. Давутов ЛА-155/18 мекемесінен (тергеу изоляторы) қашып кетті. Аталған факті бойынша Алматы қаласы Полиция департаменті Қылмыстық кодекстің 426-бабы, яғни, бас бостандығынан айыру орындарынан, қамаудан немесе абақтыдан қашу дерегі бойынша сотқа дейінгі тергеуді бастады, жедел-іздестіру шаралары жүргізілуде. ҚАЖ комитеті басшылығының қатысуымен қызметтік тексеру тағайындалды, оның нәтижелері бойынша лауазымды адамдарға қатысты тиісті шаралар қабыданады", - деп жазылған хабарламада.
Сонымен қатар ведомствода күдіктінің бұған дейін бірнеше рет істі болғанын, осы жолы ұрлық және алаяқтық үшін ұсталғанын атап өтті.
Құралай Құдайберген
