Көрші мемлекеттен келген азаматтар қаланың Алатау ауданындағы құрылыс алаңында жұмыс істеген, деп хабарлайды inbusiness.kz тілшісі polisia.kz-ке сілтеме жасап.
Шетелдіктердің жеке басын куәландыратын құжаттары болмаған, осыған байланысты, олар Полиция департаментінің қабылдап-тарату бөліміне орналастырылды.
"Ұсталғандардың қала аумағындағы құқық бұзушылықтар мен қылмыстарға қатысы бар-жоғын тексереміз. Содан кейін олар әкімшілік жауапкершілікке тартылып, Қазақстаннан шығарылады. Жуырда Өзбекстан Республикасының Алматы қаласындағы консулдығымен бірге соттың шешімімен Қазақстаннан шығарылған Өзбекстанның 16 азаматы еліне қайтарылды", – деді Алматы қалалық ПД Көші-қон қызметі басқармасының бастығы Асхат Бутунчинов.
Сондай-ақ спикер Алматыда 7-16 маусым аралығында өткізілген "Келімсек" іс-шарасы барысында көші-қон заңнамасын бұзғаны үшін 1 785 адам әкімшілік жауапкершілікке тартылғанын, олардың 1 262-сі шетелдік азаматтар екенін атап өтті. 102 шетелдік Қазақстан Республикасынан шығарылды.
