4 тамыз күні сағат 9:39-да Алматының Алатау ауданында құрылыс заттары сақталатын қоймадан өрт шықты. Төтенше жағдайлар департаментінің мәліметінше екі қабатты нысанның жалпы ауданы 1 мың шаршы метрден асады. Жедел қабылданған шаралардың нәтижесінде жалын көрші қоймаларға таралған жоқ, деп хабарлайды inbusiness.kz.
"Өрт сөндірушілер оқиға орнына жеткенде жалпы алаңы 1 мың шаршы метр ангар типті қойма ашық жалынмен жанып жатқаны анықталды. Өрттің іргелес қоймаларға таралу қаупі туындаған, дегенмен дереу өрт оқпандары берілді. Оқиға болған жерде арнайы штаб және 2 жауынгерлік учаске құрылды. Жалынды ауыздықтауға шатырдың күрделі құрылысы кедергі келтірді. Өрт сөндірушілер авариялық-құтқару құралдарының қолданып құрылыс құрылымдарын бұзды", – деп хабарлады қалалық ТЖД.
Қабылданған шаралар нәтижесінде көршілес қоймаларға өрттің таралуына жол берілмеді.
Өрт сағат сағат 11:33-те сөндірілді. Жедел шараларға 16 бірлік техника мен ТЖД жеке құрамының 40 адамы жұмылдырылды. Қаза болғандар мен зардап шеккендер жоқ.
