/img/tv1.svg
RU KZ
Алматыда нейрохирургиялық көмек орталығы ашылды

Алматыда нейрохирургиялық көмек орталығы ашылды

Медициналық орталық №7 қалалық клиникалық аурухана негізінде жұмыс істейді. 

19 Қараша 2019 14:25 588

Алматыда нейрохирургиялық көмек орталығы ашылды

Мекеме ауыр нейрохирургиялық дертке шалдыққандарға диспансерлік көмек көрсетуге негізделген. Сондай-ақ орталық нейрожарақаттары бар, нейрохируркиялық көмекті қажет ететіндерді тәулік бойы жедел түрде қабылдайды. Сонымен қатар мұнда жұмыс істейтін мамандар еліміздің кез келген өңірінен келген науқастарға жоспарлы медициналық көмек көрсетеді. 

«Егер науқасқа нейроонкоголиялық көмек пен өзге де дәрігерлер кеңесі қажет болса, бірден кешенді тексеруден өтіп, ем қабылдай алады. Орталық заманауи медициналық технологиялар бойынша жұмыс істейді»,– деді №7 қалалық клиникалық аурухана баспасөз қызметі. 

Орталық мамандары Алматыдағы барлық медициналық мекемелер мен жеке меншік ауруханаларға кеңес беруге дайын. Жалпы №7 қалалық клиникалық ауруханада бес нейрохирургиялық бөлім жұмыс істейді. Атап айтсақ, нейроонкология, нейрохирургия, тамыр нейрохирургиясы, екі жедел нейрохирургиялық орталық бар. 2018 жылдың өзінде ғана аталған бөлімдерде 3751 науқас ем алған. 

Маңғыстаудың Шетпе ауданында жаңа орталық ашылды

Онда тұрғындарды сүлікпен емдейді 

20 Қазан 2020 12:01 36

Маңғыстау ауданының орталығы Шетпе селосында сүлікпен емдейтін орталық ашылды. Гирудотерапия әдісі сал ауруына шалдыққан ересектермен қатар мүмкіндігі шектеулі балаларға да қолданылады. Орталық отбасылық негізде ашылып отыр. Оның иесі, дәрігер Ерболат Құсымбаев былтыр «Бизнестің жол картасы-2020» бағдарламасы аясында мемлекеттен 3 млн теңге грант ұтып алып, жобасын жүзеге асырады. 

«Ауданда бұрын-соңды сүлікпен емдеу әдісі қолданылған жоқ. Сүліктер Ресейден арнайы сулы шүберекке оралып, қалыпқа орналастырылып келеді. Суын күн сайын ауыстырып, емге пайдаланған соң, науқастың көзінше спиртке салып, жойып жібереміз», – дейді Ерболат Құсымбаев.

Ол ауданға жаңа әдісті алғаш рет алып келгенін айтады. Өйткені бұған дейін аудандағы жүріп-тұрудан қалған немесе қозғалысы ауырлаған науқастар Ақтау, Нұр-Сұлтан қалаларына жіберіліп келген. Айта кетейік, орталық заманауи медициналық жабдықтармен қамтылған. Мәселен, орталықта церебальды сал ауруы бар науқастарға денесін тік ұстауына, аяғын қозғалтып, басын көтеруге ықпал ететін арнайы киім кигізеді. 

Бұдан бөлек, мекеме күнделікті емхана қызметін де қоса атқарып,  әлеуметтік қолдауды қажет ететін топтарға тегін медициналық кеңес береді. Ерболат Құсымбаев келешекте тұзбен емдеу әдісін қолға алып, енгізгісі келеді.

Құралай Қуатова

«Жанұя» отбасын қолдау орталығына 25 мыңнан астам адам жүгінді

Орталықта елорда тұрғындарына АӘК-ге өтінім беру, баспана кезегіне тұру және медициналық көмек алу бойынша кеңес беріледі. 

01 Қазан 2020 12:16 172

Бір жылдан бері елордада әлеуметтік, құқықтық, психологиялық көмекке мұқтаж отбасылар үшін «Жанұя» отбасы институтын қолдау орталығы жұмыс істейді, деп хабарлайды әкімдіктің ресми сайты.

«Көпбалалы, аз қамтылған, мүгедек балаларды тәрбиелеп отырған отбасыларға кешенді консультациялық қызметтер ұсынылады. Орталықта жүргізіліп жатқан барлық жұмыстар отбасы институтын нығайтуға ықпал етуі керек. 2020 жылдың басынан бастап 25 063 адам 46 163 мәселе бойынша Нұр-Сұлтан әкімдігінің «Жанұя» отбасы институтын қолдау орталығы көмегіне жүгінген», – деп хабарлады елордалық жұмыспен қамту және әлеуметтік қорғау басқармасы.

Тұрғындар мұнда заңгерлік және психологиялық көмек ала алады. «Жанұя» орталығы өмірлік қиын жағдайға тап болған отбасыларға әлеуметтік қолдау көрсетеді. Орталық алаңында «Кәсіпкер ана» қалалық аналарына өз бизнесін дамытуға қолдау көрсету орталығы жұмыс істейді. Онда мамандар өз ісін ашуға көмек көрсетіп, кәсіпкерлер мотивациялық бизнес-тренингтер өткізеді.

Сонымен бірге орталық базасында Нұр-Сұлтан әкімінің ашық қоғамдық қабылдауы жұмыс істейді. Ал аудан әкімдерінің, басқарма және басқа ұйымдар басшыларының азаматтарды қабылдауы кестеге сәйкес жүзеге асырылады.