Балаларға шұғыл медициналық көмек көрсету орталығының базасында жаңа туған нәрестелерді жансақтау жағдайында күтіп-баптауға арналған мамандандырылған бөлімше ашылды, деп хабарлайды inbusiness.kz сайты.
Бөлімше құрамына жансақтаудан кейінгі қарқынды терапия палаталары мен ерте оңалту қызметі кіреді. Үш ай ішінде 103 нәресте ем қабылдаған.
Сонымен қатар, 2025 жылы 0-ден 18 жасқа дейінгі балаларға арналған 12 орындық тәулік бойы жұмыс істейтін оториноларингология және жақ-бет хирургиясы бөлімшесі ашылды. Алғашқы айларда мұнда 83 бала ем қабылдады. Өткен жылы орталықта 140,6 мыңнан астам балаға медициналық көмек көрсетіліп, бұл көрсеткіш алдыңғы жылмен салыстырғанда 22,5 пайызға көп.
