/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 379,41 Brent 36,55
Алматыда ойын-сауық орталығына жарылғыш зат қойылғандығы хабарланды

Алматыда ойын-сауық орталығына жарылғыш зат қойылғандығы хабарланды

Шұғыл эвакуациялау басталды.

01 Шілде 2020 17:58 149

Алматыда ойын-сауық орталығына жарылғыш зат қойылғандығы хабарланды

Алматыда «ADK» сауда, ойын-сауық орталығынан келушілер мен қызметкерлер шұғыл эвакуацияланып жатыр, деп хабарлайды ҚазАқпарат.

Қалалық Полиция департаментінен мәлім еткендей, сауда орнына жарылғыш зат қойылғаны туралы хабар түскен.

Эвакуация видеосы әлеуметтік желіде жарияланды.

«Қазір ғана сауда үйіне жарылғыш зат қойылғаны туралы ақпарат түсті. Қаладағы барлық шұғыл қызметтер жұмылдырылды. Келушілер мен қызметкерлер қауіпсіз жерге шығарылды. Патрульдік полиция көліктерді қауіпсіз жерге ауыстырып жатыр», – деді полициядан.

Арыстан көшірілген науқастарға көрші ауданның ауруханасынан орын дайындалды

Арыстағы төтенше жағдайға орай Ордабасы ауданында медициналық штаб құрылды.

24 Маусым 2019 13:08 573

Арыстан көшірілген науқастарға көрші ауданның ауруханасынан орын дайындалды

Түркістан облысы денсаулық сақтау басқармасының басшысы Мұқан Егізбаевтың басқаруымен шұғыл жұмыстар жүргізіліп жатыр.

«Ордабасы аудандық орталық ауруханасынан және Облыстық клиникалық ауруханасында 200-ден астам науқасқа арналған орын дайындалды. 30 жедел жәрдем көліктері Шымкент қаласына кірер 3 жолға қойылды. Тағы да қажет болған жағдайда бірнеше аудандардан алдырылған қосымша жедел жәрдем көліктері дайын. Облыстық клиникалық ауруханадан травматолог, хирург, реаниматолог дәрігерлер құрылған медициналық штабқа жиналды. Қазіргі кезде жарақат алғандар жоқ. Эвакуация жұмыстары жүргізіліп жатыр. Арыс қалалық орталық ауруханасы мен емханасынан науқастар эвакуация жасалды»,­ – деп хабар таратты облыстық денсаулық сақтау басқармасының баспасөз қызметі.

Еске сала кетсек, бүгін Арыс қаласында әскери бөлім аумағында жойқын жарылыс болып, салдарынан жергілікті халықты жаппай эвакуациялауға тура келді. Жан-жаққа шашыраған жарықшақтар тұрғындарға қауіп төндірді.

ШҚО-да үйін су алған тұрғындар эвакуацияланды

Бесқарағайда колледжде, орта мектеп пен балабақшада, барлығы үш эвакуациялық пункт ашылды.

02 Сәуір 2019 13:28 265

ШҚО-да үйін су алған тұрғындар эвакуацияланды

Шығыс Қазақстан облысының Бесқарағай ауылында су басқан үйлерден 7 адам эвакуацияланды. Бұл туралы өңірлік Төтенше жағдайлар департаментінен мәлім етті, деп хабарлайды ҚазАқпарат.

Еріген қар суы мен жерасты сулары ауылдың маңында орналасқан көлдерге қосылып жатыр. Октябрьская, Молдожанов және Гоголь көшелеріндегі үш үй су астында қалып отыр, тағы 59 үйдің ауласына су кірді. Куликовское көлінен суды бұру үшін ауыл арасындағы жолдан ұзындығы 15 метр, тереңдігі 30 см болатын ор қазылды. Мұнда су деңгейі тұрақтанды. Алайда, енді ағын су Қамыш көліне құйып жатыр.

«Суды сағатына 500 текше метрге дейін соруға қабілетті 2 сорғыш мотор-сорғы орнатылды. Жалпы алғанда 144 мың текше метрден астам су сорылды. Жергілікті атқарушы органдардан тиегіш, КамАз және экскаваторлар жұмылдырылды. Алдын алу шаралары бойынша жұмыстар жалғасын тауып жатыр», – деді ШҚО ТЖД бастығының орынбасары Александр Ломыгин.

Бесқарағайда колледжде, орта мектеп пен балабақшада, барлығы үш эвакуациялық пункт ашылды.