Алматыда Отан қорғаушылар күніне арналған салтанатты концерт өтті

161

Шараға ардагерлер, әскери қызметкерлер, күштік құрылым өкілдері, сондай-ақ қала тұрғындары мен қонақтары жиналды.  

Алматыда Отан қорғаушылар күніне арналған салтанатты концерт өтті Фото: Алматы әкімдігі

7 мамыр күні Республика сарайында "Қарулы күштер – тәуелсіз елдің қорғаны!" атты Отан қорғаушылар күніне арналған салтанатты концерт ұйымдастырылды, деп жазады inbusiness.kz сайты. 

Концерт Қазақстан Республикасының Мемлекеттік Әнұранын орындаумен басталды. Сахнада Алматы қаласы әкімінің эстрадалық-симфониялық оркестрінің сүйемелдеуімен Халық артисі Талғат Күзембаев, Роза Рымбаева, Біржан Хасанғалиев, Дәурен Байбөрі, Олег Татамиров, "МузАрт Life", "Жігіттер" тобы, Райымбек батыр атындағы 38-ші десанттық-шабуылдау бригадасының шығармашылық ұжымы және басқа да өнер адамдары қатысты.

Көрермендер әскери қызмет пен ел қорғаушылардың ерлігіне арналған патриоттық әндер мен музыкалық шығармаларды тыңдады. Бағдарламада "В землянке", "Журавли" секілді әскери әндер, патриоттық попурри және "Ұлы елім", "Менің Отаным", "Айбынды армия", "Туған жер" сынды әсерлі әндері шырқалды.

Концерт соңында барша қатысушы Отанға деген сүйіспеншілік пен адалдықтың символына айналған "Атамекен" әнін қосыла шырқады.

Бұл концерт әскери борышқа деген құрметтің, патриотизмнің және халық бірлігінің жарқын көрінісі болды.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу