Алматы қаласы Медеу ауданындағы үйлердің біріне ұрлыққа түскендер ұсталды. Бұл олардың кезекті қылмысы екен, деп хабарлайды Polisia.kz.
Ұсталғандардан заттай айғақтар табылып, тәркіленген.
"Топ құрамы үш адамнан тұрады: Н.,1992 ж.т., 1990 ж.т.О., және 1991 ж.т.Ф. Ұсталғандардың біреуі бұрын осыған ұқсас қылмысы үшін жауапқа тартылған болатын. Қазіргі уақытта ұсталғандардың басқа қылмыстық эпизодтарын анықтау бойынша бірқатар шаралар қабылдануда", – дейді Алматы қалалық полиция басқармасы бастығының орынбасары Берік Әбілбеков.
Берік Әбілбековтің айтуынша, қылмыстық топ тек қымбат есігі бар пәтерлерді таңдайды. Алдымен үйде ешкім жоқ екенін анықтап алып, әрекетке көшеді екен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
