Тәртіп сақшылары оқиғаның барлық қатысушыларына қатысты іс-материалын жинағанын хабарлады, деп жазады inbusiness.kz. Аталған іспен қазір оңтүстік астанадағы Бостандық ауданы полиция басқармасының қызметкерлері айналысып жатыр.
“Жанжалдың үш қатысушысына - ерлі-зайыптылар мен мекеме әкімшісіне қатысты Қазақстан Республикасының Әкімшілік құқық бұзушылық туралы кодексінің 434-бабы, Қазақстан Республикасының Әкімшілік құқық бұзушылық туралы кодексінің 73-1-бабы 1-бөлігі бойынша әкімшілік іс жүргізу материалдары жиналды. Олар юрисдикцияға сәйкес шешім қабылдау үшін Алматы қаласының мамандандырылған ауданаралық әкімшілік сотына 2022 жылғы 3 қарашада беріледі", - деп хабарлады Алматы полиция департаментінің ресми өкілі Салтанат Әзірбек.
Айта кету керек, осыған дейін белгілі оператордың әйелі мен мекеме әкімшісі арасындағы жанжал төбелеске ұласқан болатын.
