Алматы қаласының бас мемлекеттік санитар дәрігері Жандарбек Бекшин осыған дейін 31 қаңтарда жарияланған №3 қаулысына түзету енгізді, деп хабарлады inbusiness.kz тілшісі.
Құжатқа сәйкес сауда және ойын-сауық орталықтарының, сауда үйлері мен сауда желілері тұрақты түрде жұмысын жалғастырады. Жұмыс және демалыс күндері ашық азық-түлік және азық-түлік емес базарларына штаттық режимде қызмет көрсетеді. Бұл ретте адам саны 30% -дан аспайтын және 4 шаршы метрден кем емес азық-түлік емес жабық базарларға әлеуметтік арақашықтықты, бетперде тағу режимін, санитарлық-дезинфекциялық режимді қатаң сақтай отырып жұмыс істеуге рұқсат етіледі.
"Сауда ойын-сауық орталығында орналасқан нысандарды қоса алғанда, қоғамдық тамақтану объектілерінің (жабық) қызметтері сағат 7: 00-ден 23:00-ге дейін шектеледі. Ол нысандарда соңғы төлем сағат 22:00-де дейін жүзеге асырылуы керек. Әлеуметтік қашықтық, бетперде тағу режимі, термометрия, күшейтілген санитарлық-дезинфекциялық режим сақталуға тиіс. 50 адамға дейін қатысатын мәдени нысандар мен концерт залдарының жұмысына (репетиция), толымдылығы 30%-дан аспайтын театрлардың, кинотеатрлардың жұмысына рұқсат етілген", – деп жазылған құжатта.
