Алматылықтар мегаполистің барлық сегіз ауданында біркелкі орналасқан 602 сайлау учаскесінде дауыс бере алады. Бұл туралы Өңірлік коммуникациялар қызметінде өткен брифингте Алматы қалалық аумақтық сайлау комиссиясының төрайымы Айгүл Қалықова мәлім етті, деп хабарлайды inbusiness.kz.
Түрксіб ауданындағы № 440 (ҚР ҰҚК Шекара қызметінің Алматы облысы бойынша департаментінің әскери бөлімінде орналасқан) бір сайлау учаскесі дауыс берушілердің сол жерде болмауына байланысты жұмысын тоқтатқаны белгілі болды. Тиісті шешімді бөлімше командирінің өтініші негізінде аудандық аумақтық сайлау комиссиясы қабылдады.
"Барлық сайлау учаскеcінде дауыс беру жәшіктері бар, қажетті сандағы дауыс беру кабиналарымен, жиһаздармен, ұйымдастыру техникасымен, кеңсе тауарларымен жабдықталған. Учаскелерде мүмкіндігі шектеулі жандарға арналған орын жабдықталған. Көзі нашар көретін сайлаушыларға аудиоматериал мен трафарет дайындалды", – деді Айгүл Қалықова.
Дауыс беруге арналған ғимараттар қажетті ақпараттық материалдармен жабдықталған. №3 сайлау округі бойынша Қазақстан Республикасы Парламенті Мәжілісінің депутаттарына қатысты ақпараттық материалдардың бір бөлігі бүгін, күннің соңына дейін осы округтегі сайлау учаскелерінің стендтінде орналастырылады.
"Сайлау комиссияларының шешімімен 70 учаске анықталды, оларда тізімге енгізілген сайлаушылардың бәрі өз таңдауын жасап болса, дауыс беру кез келген уақытта аяқталуы мүмкін. Олар Конституциялық заңның 38-бабының 3-тармағына сәйкес медициналық мекемелердегі, әскери бөлімдердегі сайлау учаскесі. 7 сайлау учаскесінде дауыс беру таңғы сағат 6:00-де (әскери бөлімшелер) басталады", – деді А.Қалықова.
Брифингте ол сондай-ақ сайлауға дайындық барысында сайлаушыларға дауыс беру уақыты, орны, сайлау учаскелерінің мекенжайы көрсетілген 1 миллион 202 мың шақыру қағазы жасалып, таратылды. Оларға алматылықтар бұқаралық ақпарат құралы арқылы хабардар етті.
Айгүл Қалықова журналистердің сауалына жауап бере отырып, дауыс берушілердің өтініші бойынша дауыс беру құқығы көрсетілген 797 есептен шығару туралы куәлік берілгенін айтты (есептен шығу куәлігін беру 18 наурыз күні сағат 18:00-де аяқталады).
Қазіргі уақытта учаскелік комиссияларға белгіленген мөлшердегі дауыс беруге арналған бюллетеньдер жеткізіліп, ішкі істер органдарының қорғауында.
Алматы қаласының аудандары Қазақстан Республикасы Парламенті Мәжілісі мен мәслихаттары депутаттарын сайлауда дауыс беруге дайын.
АСК төрағасы кандидатты немесе партиялық тізімді алып тастаған жағдайда бюллетеньдерге өзгерістер енгізу туралы айтып берді.
Орталық сайлау комиссиясының қаулысымен бекітілген кандидат шығып қалған, кандидатты ұсыну туралы шешімнің күші жойылған, кандидаттарды, партиялық тізімдерді тіркеу туралы шешімнің күші жойылған жағдайларда сайлау бюллетеньдеріне өзгеріс енгізу қағидасына сәйкес Қазақстан Республикасының 2018 жылғы 19 қыркүйектегі №16/20 қаулысымен тиісті округтік сайлау комиссияларының, учаскелік сайлау комиссияларының шешімі негізінде 2023 жылғы 17 наурызда бұл жұмысқа кірісті.
Барлығы бір мандатты 3 сайлау округі бойынша Қазақстан Республикасы Парламенті Мәжілісінің депутаттығына тіркелген 105 кандидаттың 23-і шығарылды. Олардың аты-жөндері бюллетеннен алынып тасталады.
21-ші бір мандатты сайлау округі бойынша 171 кандидаттың 27-сі бойынша тіркеу туралы шешімнің күші жойылды. Олардың аты-жөндері де бюллетеннен алынып тасталады.
