Алматыдағы Сейфуллин даңғылындағы учаскеге полимерлі асфальтбетон жабыны төселеді, деп жазады inbusiness.kz.
Ақпаратқа сәйкес, 4 тамыз күні сағат 23.00-ден бастап 6 тамыз 07.00-ге дейін Алматы-1 теміржол вокзалының айналма жолынан Жұмабаев көшесіне дейінгі учаскеде Сейфуллин даңғылы бойынша жол жөндеу жұмыстары жүргізіледі. Аталған көше учаскесіне патрульдік полиция полкінің 4 экипажы жұмылдырылады.
"Жабық учаскені айналып өту Ақан Сері көшесі, Зорге көшесі, Осипенко көшесі, Ержанов көшесі, Жансүгіров көшесі, Жұмабаев көшесі және іргелес көшелер арқылы жүзеге асырылады. Алматы-1 теміржол вокзалына дейін Ақан Сері көшесі, Сүйінбай даңғылы, Шолохов көшесі, Зорге көшесі, Ержанов көшесі, Осипенко көшесі арқылы жетуге болады", - делінген хабарламада.
