Алматы қаласында заңсыз мигранттар барынша көп болатын және заңсыз еңбек қызметін жүзеге асыратын жерлерде анықтауға бағытталған профилактикалық іс-шаралар жалғасып жатыр. Бұл туралы inbusiness.kz сайты polisia.kz ақпараттық медиа-порталына сілтеме жасап хабарлайды.
"Тек соңғы аптаның өзінде барлығы 302 шетелдік әкімшілік жауапкершілікке тартылды, олардың 34-і алыс шет мемлекеттерінің азаматтары. Соның ішінде, Нигериядан – 9, Түркиядан – 14 және Өзбекстан мен Тәжікстаннан келген 268 азамат бар. Қабылдап-таратуға жеке басын куәландыратын құжаты жоқ 107 шетелдік орналастырылды. Сот қаулысымен 90 шетелдік Қазақстан Республикасынан шығарылды", – деп түсіндірді Алматы қалалық ПД көші-қон қызметі басқармасының бастығы Асхат Бутунчинов.
Сондай-ақ, спикер қабылдаушы 81 жеке және заңды тұлғаға қатысты әкімшілік шара қолданылғанын мәлімдеді.
