Бұл туралы Алматы қаласының бас санитар дәрігері Жандарбек Бекшин мәлімдеді.
"Алматыда соңғы күндері науқастар саны екі есе артты. Жұқпалы аурулар ауруханаларындағы орындардың 95%-ы бос емес. Сондықтан адам көп жиналатын нысандардың жұмысын 20-21 маусым күндері шектеу туралы шешім қабылдадық. Атап айтсақ: азық-түлік және азық-түліктік емес базарлар, сауда орталықтары, сауда үйлері мен фитнес орталықтары, қоғамдық тамақтану объектілері. Соңғысы ашық алаңда, далада санитарлық талаптарды сақтай отырып, қызметін жалғастыра береді. Сонымен қатар банктер, ХҚКО-лар сенбі күні жұмыс істемейді. Бұдан бөлек қоғамық көліктің қызметі тоқтатылады. Мегаполистегі адам көп жиналатын орындарға да баруға болмайды", – деді ол.
Бұл ретте шаһардың бас санитар дәрігері осы екі күнде қоғамдық органдарда залалсыздандыру жұмыстары жүргізілетінін ескертті.
Құралай Құдайберген
