2016 жылы Алматы қаласы мен Алматы облысында тамақ өнімдері өнеркәсібінің негізгі капиталына 15,4 млрд теңге инвестицияланған, деп хабарлайды strategy2050.kz.
Өңір сүт, ет, құс өсіру және жеміс-көкөніс өсіру кластерлерін дамытады және 2016 жыл ішінде азық-түлік шығарылымының 24,8% көлемін қамтамасыз еткен.
Ақпарат бойынша, Алматы қаласы мен Алматы облысында 2016 жылы тамақ өнімдерін өндіруге арналған негізгі капиталға 15,4 миллиард теңге инвестиция салынған – бұл 2015 жылғы 19,8%-орнына 24,4%-ды құрайды (алдыңғы қауырт кезең 2013 жылы байқалған).
Инвестициялық қоржында 3,4 млрд теңге – Алматы қаласына және 12 млрд теңге ішінара Алматы агломерациясына кіретін іргелес облыстарға тиесілі (бес әкімшілік аудан – Қарасай, Талғар, Іле, Еңбекшіқазақ және Жамбыл аудандарының бөліктері, сондай-ақ Қапшағай қалалық әкімшілігінің аумағы). Инвестициялық салым көлемдерінің жылдық өсуі 38,3%-ға жеткен – бұл соңғы жылдар ішіндегі ең үлкен көрсеткіш.
Агломерацияда тамақ өнеркәсібінің төрт негізгі кластері дамуда: сүт, құс өсіру, ет , жеміс-көкөніс кластерлері.
2016 жыл ішінде Алматы қаласы және Алматы облысы ҚР-да өндірілген барлық тамақ өнімдерінің 24,8%-ын ақшалай қамтамасыз еткен. Қауырт кезеңі 2012 жылы Алматы қаласы мен оған іргелес аудандарда барлық азық-түлік көлемінің 28,2%-ын өндірген уақытта байқалған.
Өткен жылы тамақ өнеркәсібінің өндіру көлемі 331,6 млрд теңгеге жеткен, бұл 2015 жылмен салыстырғанда 29,2%-ға артық.
