Алматыда тамыздың аяғына дейін қосымша ковид стационарлары ашылады. Бұл туралы өңірлік коммуникация қызметінің алаңында өткен онлайн-брифинг барысында Алматы қаласының Қоғамдық денсаулық сақтау басқармасының басшысы Камалжан Надыров мәлімдеді.
Осы аптада келесі нысандар қайта жасақтаудан өткен: "Қазақстан" санаторийі – 250 орын, "Көктем" – 376 орын, "Самал" пансионаты – 140 орын, ҰОС мүгедектеріне арналған республикалық клиникалық госпиталь – 100 орынға қайта жасақталып, қолдануға берілетін болады.
Спикер бұл жаңа стационарлардың қазір қызмет етіп жатқандарға қосымша ретінде ашылатынын атап өтті.
Сонымен бірге, алдағы уақытта мегаполисте 500 орынға арналған арнайы әлеуметтік қызметтер көрсету Орталығы іске қосылады.
"Аталған орталық бірінші эшелондағы ковидті клиника ретінде қызмет етеді, ал ковидтен кейінгі кезеңде толыққанды көпсалалы стационар ретінде қызмет етеді. Қазір онда құрылыс жұмыстары аяқталуда, онымен қоса медициналық техника және қажетті мамандармен қамту мәселесі де қаралуда. Аталған нысанды қыркүйек айында ашу міндеті қойылған", – деп хабарлады К. Надыров.
Осылайша, қалада 500 орынға арналған толыққанды көпсалалы клиника болады және ол ковидтен кейінгі кезеңде де халық игілігі үшін қызмет ететін болады.
Жаңа стационарларды ашу бойынша жүзеге асырылып жатқан барлық инвестициялардың бәрі ковидтен кейінгі кезеңде де халық игілігі үшін пайдаланып, қала тұрғындары үшін пайдалы болатынын атап өткен маңызды. Жатын орындарды көбейту бойынша жұмыстар жалғасуда. Жоспар бойынша бұл көрсеткішті 7700 орынға дейін көбейту көзделген.
