Алматы қалалық Төтенше жағдайлар депараментінің хабарлауынша өрт туралы ақпарат 27 қазанда сағат 12:56-да түскен.
"ТЖ департаментiнiң күштерi мен құралдары Әуезов ауданы Ақсай-1 А ықшамауданында шыққан өртке шақыртудың жоғары деңгейiмен жiберiлдi. Өрт сөндipyшiлер келгенде, қойма типтi жеке тұрған техникалық қызмет көрсету орталығының ашық жалынмен жанып жатқанын анықтады. Нысанның металдан жасалған қабырғалары өртті бірден cөндipуге кедергi келтipдi", – деп жазылған хабарламада.
Нысандағы 9 көлік түгелдей күлге айналса, ангар сыртында тұрған 3 көлік жалын шарпып, зақымдалған.
Оқиға орнынан әрқайсы 25 литр болатын 2 газ баллоны эвакуацияланды. Кейін қойма iшiнде жанғыш сұйықтық құйылған ыдыс бар екендiгi туралы ақпарат келіп түскен.
"Сағат 13:21-де жарылыс орын алды, өрт сөндiрушiлер арасында зардап шеккендер жоқ. Оқиға орнында ТЖД басшылығымен қоса алғанда жеке құрамнан және өзара әрекет ету қызметiнен 60 адам, 13 бipлiк техника жұмыстар атқаруда", – деген ТЖД-нің баспасөз қызметі зақымданған көліктер туралы ақпарат нақтыланып жатқанын хабарлады.
Құралай Құдайберген
