Алматыда телефон ұрлаған азамат видеоға түсіп қалды, деп хабарлайды inbusiness.kz тілшісі Polisia.kz-ке сілтеме жасап.
Жетісу аудандық полиция басқармасының мәліметінше, ұрлық Райымбек пен Сүйінбай даңғылдарының қиылысына жақын жерде орналасқан аллеяда болған.
"Оқиға таңғы 04:30-да өрбіді. Жастар орындықта отырып, белгісіз біреудің артынан келіп, IPhone телефонын ұрлап кеткенін байқамай қалды. Қаскөйдің қылмыстық әрекеті бейнебақылау камерасының объективіне түсіп, қылмысты ашуға жақсы көмек болды. Бұл 33 жастағы С.есімді азамат болып шықты. Ол ұсталып, ҚР ҚК-нің 188-бабында көзделген қылмыстық құқық бұзушылықты жасағаны үшін қылмыстық жауапкершілікке тартылды", – деді Жетісу аудандық полиция басқармасының бастығы Жәнібек Шынасылов.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
