DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 311,62 Brent 36,55
Алматыда теміржол шпалдарын шығаратын жаңа өндіріс іске қосылды

Алматыда теміржол шпалдарын шығаратын жаңа өндіріс іске қосылды

Кәсіпорын 1,8 млрд. теңгені инвестициялаған, 100-ден аса жаңа жұмыс орны құрылған.

18 Мамыр 2019 09:01 255

Алматыда теміржол шпалдарын шығаратын жаңа өндіріс іске қосылды

Алматы әкімі Бауыржан Байбек Түрксіб ауданына жұмыс сапары кезінде Алматы көпір конструкциялары зауытындағы теміржол шпалдарын шығаратын жаңа өндіріс орнының ашылуына қатысты, деп хабарлайды Алматы қаласы әкімдігінің баспасөз қызметі.

Жүрдек пойыздардың сағатына 300 километрге дейінгі жылдамдықпен жүруіне мүмкіндік беретін теміржол шпалдарын шығару үшін немістің Vollert технологиясы қолданылады. Өндірістің жобалық қуаты - жылына жарты миллион шпал.

«Бүгінгі күні қаладағы 1,5 мың өндіріс орындары мен АЗМК сала флагмандары. Мұнда 500-ден аса адам еңбек етеді, шынайы еңбек әулеттері қалыптасқан. «Нұрлы жол» бағдарламасы бойынша елімізде көлік инфрақұрылымы қарқынды дамуда, сондықтан кәсіпорын өнімдері барынша қажет болады. Елбасы айтқандай, барлығы еңбек адамы үшін жасалуда, жұмысшы мамандығы қашанда құрметті», - деп атап өтті Бауыржан Байбек зауыт ұжымымен жүздесу барысында.

Айта кетерлігі, қазіргі кезде мегаполисте бизнестің Жол картасы 2020 және Жібек жолы қалалық бағдарламасы арқылы отандық кәсіпорындарға қолдау көрсету аясы барынша арта түсуде. Инвестициялық аухал жақсаруда. Биылғы жылдың тек үш айы ішінде ғана шетелдік инвестициялар 21,4%-ке артып, 111,1 млрд. теңгені құрады.

Алатау ауданындағы Индустриалды аймақта құны 144 млрд. теңге болатын 39 жоба жүзеге асуда. Жапондық, гонконгтік, неміс және қытайлық, ресейлік капиталдардың қатысуымен 5 зауыт ашылды.  

Биылғы жылы инвестиция көлемі шамамен 36,7 млрд. теңге болатын тағы 4 кәсіпорынды, оның ішінде болат құбырларын шығаратын «Asia Steel Pipe» ірі қазақстандық-қытайлық зауытты іске қосу жоспарланған. Сонымен қатар қуаты жылына 30 мың көлік шығаратын Hyundai автомобиль зауытының құрылысы басталды.

 

 

 

 

 

 

 

inbusiness.kz-ті қараңыз, оқыңыз :

Алматыда Hyundai автомобильдерін шығаратын зауыт салынады

Зауытты Алматыдағы Индустриалды аймақ маңында Қазақстан Республикасының қолдауымен «Астана Моторс» компаниясы салады.

22 Сәуір 2019 17:18 752

Алматыда Hyundai автомобильдерін шығаратын зауыт салынады

Алматыда Hyundai автокөлігін шығаратын қазақстандық-кореялық зауыт құрылысының алғашқы іргетасы қаланды, деп хабарлайды қала әкімдігінің баспасөз қызметі.

«Зауыт 700-ден астам алматылықтарды тұрақты жұмыспен қамтиды, ал бұл – біз үшін ең басты көрсеткіш. Қала тарапынан дайын инфрақұрылымдары бар 25 га жер бөлінді. Қазіргі кезде Алатау ауданындағы Индустриалды аймақта 144 млрд теңгенің 39 жобасы жүзеге асырылуда. Жапондық, неміс және қытайлық, ресейлік капиталмен 5 зауыт ашылды. 800 жоғары білікті жұмыс орындары пайда болды. Биылғы жылы инвестиция көлемі шамамен 367 млрд. теңге болатын тағы 4 кәсіпорын іске қосылады, оның ішінде болат құбырларын шығаратын ірі қазақстандық-қытайлық «Asia Steel Pipe» зауыты бар, – деді шаһар әкімі Бауыржан Байбек.

 

Өз кезегінде Қазақстанның индустрия және инфрақұрылымдық даму министрі Роман Скляр бұл еліміздің машина жасау индустриясын дамытудағы маңызды стратегиялық қадам екенін атап өтті.

Алғашқы кезеңде зауыт қуатына 30 мың автомобиль жасайды, ал екіншісінен бастап олардың санын жылына 45 мыңға дейін арттырады. Осының арқасында қазақстандық нарық Hyundai маркалы сапалы әрі бағасы қолжетімді көліктермен толығады және ТМД елдеріне экспортталады. Жоба инвестициясының жалпы көлемі 25 миллиард теңге. Жеке қаржымен қоса коммерциялық шарт бойынша заем тартылады.

Жамбыл облысында сұйытылған табиғи газ өндіретін зауыт іске қосылады

Зауыт құрылысы 2017 жылы басталған болатын.

15 Сәуір 2019 16:29 450

Жамбыл облысында сұйытылған табиғи газ өндіретін зауыт іске қосылады

Жамбыл облысында сұйытылған табиғи газ өндіретін зауыт пайдалануға берілмек, деп хабарлайды Интерфакс-Қазақстан.

«Жамбыл Газ өнімдері» ЖШС осы жылы Жамбыл облысында сұйытылған табиғи газ (СТГ) өндіретін зауытты іске қосуды жоспарлап отыр», – деп хабарлады облыстық кәсіпкерлік және өнеркәсіп басқармасы.

Құрылыс құны – 16 млрд 660 млн теңге, ал жобалық қуаты – жылына 70 мың тонна.

Аталған зауыттың құрылысы 2017 жылы басталған болатын.

 Айта кетсек, «Жамбыл Газ өнімдері» ЖШС химия өнеркәсібі өнімдерін өндіретін өңірдегі компания.

Жаңалықтарға жазылу: