Алматы қаласының әкімі Бақытжан Сағынтаев жаңа ықшамаудандарда, сондай-ақ негізгі көшелер мен шеттердегі жолдардың құрылысы мен жөнделуі туралы ақпаратпен бөлісті, деп хабарлайды inbusiness.kz.
"Жолды жақсарту бойынша ауқымды жұмыс жалғасуда – жаңа жол салып, бар жолды жөндеп, ұзартудамыз. Жақында Алатау көшесінің Сәбденов көшесінен Райымбек даңғылына дейінгі 2 шақырымдық учаскесі ашылды. Төрт жолақты жол Наурызбай ауданының әкімшілік орталығын қаланың ірі магистралімен байланыстырды. Абай даңғылын тесу аяқталған соң қала орталығымен көлік қатынасы едәуір жақсарады", - деп жазды Бақытжан Сағынтаев Инстаграм желісіндегі ресми парақшасында.
Сондай-ақ, "Жаңа Алматыны" дамытудың кешенді жоспары аясында Алатау, Түрксіб пен Наурызбай аудандарына қарасты сегіз ықшамаудандағы 415 көшеде 108 шақырым жол салынуда. Биыл Думан ықшамауданның 59 көшесі, 30,5 шақырым жолдың күрделі жөндеу жұмысы аяқталады.
Жалпы қалада ұзындығы 206 шақырымнан асатын 212 көшеде орташа жөндеу жұмысы жүргізілуде. Оның ішінде Рысқұлов, Сүйінбай, Сейфуллин, Райымбек даңғылы, сондай-ақ Сәтбаев, Кудерин, Жансүгіров, Яссауи, Шаляпин, Момышұлы, Жандосов, Құрманғазы көшелері магистральді, ұзындығы 43 шақырымға жетеді. Бұларда жөндеу жұмысының шамамен 20%-ы қалған.
Қаладағы 237 шақырым жолда орташа және күрделі жөндеу жүргізіледі. 71 шақырым инженерлік желілер салынғаннан кейін қалпына келтіріледі. Ал 70 шақырым жол бірінші рет салынады.
Мегаполисте сонымен қатар, жол қозғалысын басқару процестерін автоматтандыру жалғасуда. Бүгінгі күні автоматтандырылған жүйенің модернизациялаудың бірінші кезеңі аяқталды, онда 93 бағдаршам объектісі жүйеге қосылған. Басқару орталық басқару орталығынан жүзеге асырылады. Екінші кезең, 357 бағдаршамды ҚАБЖ-ға қосуды көздейді, 2022 жылға жоспарланған.
