Алматы қаласы триатлоннан алғаш рет ірі деңгейдегі халықаралық жарысты қабылдауда. Бүгін триатлоннан "Almaty Asian Cup 2018" турнирінің алғашқы жарыс күні өтіп жатыр, деп жазады Олимпиада комитетінің ресми сайты.
Әйелдер арасындағы сынға 16 спортшы қатысты. Нәтижесінде, алтын жүлдені Жапония елінің өкілі Ниина Кишимото жеңіп алды. Күміс жүлдені тағы бір жапониялық спортшы Хираку Фукуока иеленсе, үздік үштікті Оңтүстік Корея спортшысы Джи Юн Ки қорытындылады.
Қазақстан атынанн сынға түсетін ITU спортшысы Арина Шульгина төртінші орында. Өзге де қазақстандық спортшылардың көрсеткіші төмендегідей:
Надежда Бекмағамбетова (9-шы орын), Ашраф Камалова (10-шы орын), Анастасия Автушко (11-ші орын).
Алматы уақытымен сағат 11:00-де ерлер арасындағы бәсеке басталады. Аталған сында отандық спортшыларға сәттілік тілейміз.
