Іс-шараға Қазақстан атынан Ұлттық экономика вице-министрі Бауыржан Омарбеков және ҚР ҰЭМ Әлеуметтік саясат және мемлекеттік органдарды дамыту департаментінің директоры Нұргүл Жанназарова қатысты, деп хабарлайды Inbusiness.kz.
Вице-министр форум қатысушыларына Тұрақты даму мақсаттарын ұлттық және өңірлік деңгейде ілгерілету бойынша ҚР Үкіметінің жүргізіп жатқан жұмысы туралы айтып берді.
"Өз сөзінде вице-министр Алматы қаласында Орталық Азия елдері мен Ауғанстан үшін Тұрақты даму мақсаттары бойынша БҰҰ Өңірлік орталығын ашу жөніндегі бастаманы ілгерілету туралы хабардар етті", - делінген Ұлттық экономика министрлігі таратқан хабарламада.
Сонымен қатар, Б.Омарбеков Қазақстандағы агломерацияларды, сондай-ақ ауылдық аумақтарды дамыту жоспарлары және 2060 жылға дейінгі көміртегі бейтараптығына қол жеткізу стратегиясы туралы айтып берді.
