Алматының Саин көшесінде пилоттық режимде автобус жолағы іске қосылды, деп хабарлайды inbusiness.kz сайты.
Бұл шешім алматылықтар арасында қызу талқыланып, жүргізшілер тарапынан теріс пікірлер айтылды. Алматы әкімдігі әлеуметтік желілерде жарияланған пікірлер мен ұсыныстар ескерілгенін мәлімдеді.
Жол қозғалысы және жолаушылар көлігін ұйымдастыру басқарма басшысының орынбасары Асхат Жамаловтың айтуынша, тұрғындар пікірінен кейін көше қиылыстарындағы кіру және шығу аймақтарында пунктирлі сызықтардың ұзындығы өзгерді. Автобус жолағындағы үзік сызықтардың ұзындығы бұрын 20 метр болса, енді 40 метрге дейін ұлғайтылды.
"Бұл жүргізушілер үшін жолақ ауыстыруды ыңғайлы әрі түсінікті етеді", – деді ведомство өкілі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
