Түркия азаматы Алматы қаласында өзіне бағынышты компаниялар арқылы жұмыстарды нақты орындамай және тауарларды жеткізбей, 1 млрд теңгеден астам сомаға жалған шот-фактураларды жазып берудің заңсыз схемасын ұйымдастырған, деп хабарлайды inbusiness.kz сайты Бас прокуратураның баспасөз қызметіне сілтеме жасап.
Қылмыстық әрекеттерінің нәтижесінде ол мүліктік пайда тауып, оны заңдастыру мақсатында астанадан үй-жай сатып алып, жалға берген.
Бірінші сатыдағы сот бас бостандығынан айыру түріндегі жазаны тағайындап, рақымшылық қолданған, алайда үй-жайды және оны жалға беруден түскен табысты міндетті түрде тәркілеу мәселесін шешпеген.
Кассациялық наразылық бойынша жоғары саты соты сот актілерін өзгертті.
Сотталғанға мүлікті тәркілеу түріндегі қосымша жаза тағайындалып, үй-жайды және оны жалға беруден түскен табысты мемлекет меншігіне айналдырылды.
